Цөөнх УИХ-д бүлэггүй болсноо зарлалаа

УИХ дахь АН-ын бүлэг байхгүй болсныг өнөөдөр албан ёсоор мэдэгдэв. Гишүүн Лу.Болд өөрт нь улс төрийн хариуцлага тооцсонд эгдүүцэн намаасаа гарснаар цөөнх ийнхүү бүлэггүй болж байгаа юм. УИХ дахь намын бүлгүүд тодорхой асуудлаар санал дүгнэлт гаргах, завсарлага авах эрхийг хуулиар эдэлдэг. АН бүлэггүй болсноор завсарлага авах эрхгүй болов. Гэхдээ АН-аас нэр дэвшиж УИХ-д сонгогдсон гишүүд цаашид Зөвлөлийн статустайгаар ажиллана хэмээн мэдэгдлээ.