Төрийн өмчийн 18,23 гэх мэт сургуулиуд жилд мянга гаруй хүүхэд бүртгээд үүнээсээ 100 гаруйг нь шалган элсүүлж авдаг. Тэгвэл БСШУС-ын сайд Ё.Баатарбилэг ЕБС-д элсэн орж байгаа хүүхдээс шалгалт авахгүй байх тушаал гаргасан байна. Тушаалынхаа талаар тэрээр:
-“Өмчийн хэлбэр харгалзахгүй 6 нас хүрсэн хүүхдийг ямар нэгэн уралдаан шалгалтгүйгээр сургуульд элсүүлэх тушаал гаргасан. Сургуулиуд 5,000-50,000 төгрөгийн хураамж авч хүүхдүүдийг уралдаант шалгаруулалтад оролцуулаад цөөн хэдэн хүүхдийг авдаг. Энэ нь нэг талаараа бизнес болж байна. Ер нь бол зургаан настай цэцэрлэгээс дөнгөж гарч байгаа хүүхэд юугаа шалгуулах ёстой юм бэ. Мөн зургаан нас хүрээгүй хүүхдийг сургуульд элсүүлэхгүй. Энэ бол эцэг эхчүүдээ ч, хүүхдүүдээ ч бодсон шийдвэр гэж бид үзэж байгаа гэлээ.
Улсын сургуулиудын хувьд сайдын тушаалыг баримталж шалгалт авахгүй болоход асуудал гарахгүй. Харин хувийн өмчийн сургуулиуд тушаалтай холбоотойгоор элсэлт явуулахдаа хэрхэх талаар тодорхой буй байгаа юм. Тэгвэл энэ талаар сайд
-Сургууль энэ асуудлыг олон аргаар шийдэж болно. Түүвэр арга ч юм уу олон аргаар шийдэх боломж бий. Энэ жилийн элсэлтдээ хичнээн хүүхэд авах тоогоо хэлж, шударга, нээлттэй явуулах хэрэгтэй. Олон хүүхдийг дараалалд оруулж, мөнгө төгрөг хурааж авч болохгүй. Бүртгэлийг бизнес болгож байна. Бид тушаал гаргахдаа энэ талаар судалсан. Боломж бий” гэж хариуллаа.
