Этиопоос Кенийг чиглэн ниссэн Боинг онгоц өнгөрсөн ням гаригт осолдож 157 хүн амиа алдсан хараммалтай хэрэг болсон. Тэгвэл уг онгоцоор нисэхээр тийзээ авсан ч хоёрхон минут хоцроод нисч чадаагүй азтай залуу энэ талаараа фэйсбүүктээ бичжээ. Грек залуу Аntonis Mavropoulos “My lucky day” гэж гарчигласан уг постондоо ” Би хоёрхон минут хоцроод онгоцондоо сууж чадаагүйдээ, хэн ч надад туслахгүй байгаад тухайн үедээ их уурлаж бухимдсан. Гэвч энэ өдөр миний хамгийн азтай өдөр байж хэмээн бичжээ. Тэрээр хэрэв амжсан бол тус онгоцны 150 дахь зорчигч байх байж. Тэрээр ашгийн бус Олон улсын хатуу хог хаягдлын ассоциацийн ерөнхийлөгч бөгөөд Найробид энэ чиглэлээрээ олон улсын хуралд суухаар ирсэн байжээ.
Нислэгээсээ хоцорсоноос болж бухимдсан азтай залууг нисэх буудлын цагдаагийн хэсэг дээр аваачжээ. “Таниас асууж тодруулах зүйл байна гээд цагдаагийн хэсэг дээр намайг аваачсан. Тэнд очиход ET 302 нисэх онгоцноос амьд үлдсэн цорын ганц зорчигч бол та. Тиймээс бухимдалгүй бурхандаа таларх гэж надад цагдаагийн ажилтан хэлсэн. Ингэж л онгоц хөөрөөд удалгүй сүйрсэнийг би мэдсэн гэж тэрээр бичжээ.
