Өнгөрсөн жил Авлигатай тэмцэх газрын дарга болон дэд даргад гар дэвшигчийг тодруулахаар Ерөнхийлөгчийн Тамгын газрын албан ёсны www.president.mn цахим хуудсаар иргэдээс авсан санал асуулга долоо хоногийн хугацаанд үргэлжилж дүнгээ гаргасан байдаг.
Энэ хугацаанд “Авлигатай тэмцэх газрын дарга, дэд дарга”-ын албан тушаалд нэр дэвшүүлэх санал нийт 6,405 иргэнээс, тухайлбал, АТГ-ын даргад 6,382 иргэний саналаар 179 хүнийг, дэд даргад 5,657 иргэний саналаар 317 хүнийг нэр дэвшүүлсэн тухайЕрөнхийлөгчийн Тамгын газраас мэдээлж байв.
Нэр дэвшсэн эрхмүүдийг ҮАБЗ-ийн ажлын албаны дарга Д.Даваа-Очир тухайн үед тэргүүлсэн. Ерөнхийлөгчийн Тамгын газрын дарга З.Энхболд өнөөдөр хэвлэлийнхэнд мэдээлэл хийхдээ АТГ-ын даргад Д.Даваа-Очирыг нэр дэвшүүлж УИХ-д санал болгоно гэдгээ мэдэгдлээ.
