Германы алдартай загвар зохион бүтээгч, XX, XXI зууны хамгийн алдартай загвар зохион бүтээгч гэгддэг “Chanel” “Fendi”-ийн “эцэг” Карл Лагерфелд өчигдөр хүнд өвчний улмаас 85 насандаа нас баржээ. Тэрээр өнгөрсөн нэгдүгээр сард болсон “Chanel”-ийн шоунд оролцоогүй бөгөөд тухайн үед түүний бие ядрангуй байгаа талаар мэдээлэл гарч байв.
Тансаг зэрэглэлийн гутал, цүнх, үслэг эдлэл зэрэг олон төрлийн бүтээгдэхүүн үйлдвэрлэж байсан загвар зохион бүтээгч маань сардаа гэхэд 20 сая долларыг татварт төлдөг талаар Форбес сэтгүүл мэдээлж байв.
Түүний хойноос гашуудсан, эмгэнэлээ загварынхан, жүжигчид, дуучид гэх мэт дэлхийн олон алдартнууд өөрийн нийгмийн сүлжээгээр дамжуулан илгээсээр байна.
