Францын нийслэл Парис хотноо 2017 оны 11 дүгээр сард O’Naturel нэртэй нэгэн өвөрмөц ресторан нээгдэж байв. Юугаараа өвөрмөц бэ гэвэл тус рестораныг зорин ирэгсэд нь хувцасаа тайлан нүцгэн хооллох ёстой. Өөрөөр хэлбэл нүцгэн байхдаа илүү тав тухыг мэдэрдэг нудистуудад зориулсан уг ресторан удахгүй хаалгаа барихаар болжээ. Тус рестораны эзэн энэ талаараа өөрийн фэйсбүүк хуудаснаа мэдээлээд ресторанд нүцгэн зоог барих боломж магадгүй танд дахиж олдохгүй байж мэдэх учир хаагдахаас өмнө амжиж үйлчлүүлэхийг сануулсан байна. Тэрээр ресторанаа санхүүгийн шалтгаанаар хааж буй бөгөөд 02 дугаар сарын 16-нд хаахаа мэдэгдлээ.
“Нүцгэн” ресторанаар үйлчлүүлэгчид хооллохоос өмнө хувцасны өрөөнд бүх хувцасаа тайлдаг бөгөөд гар утсаа ч тэндээ үлдээдэг байна.
