ЕБС-ийн сурагчдын хоёрдугаар улирлын амралтыг хоёр сар болгох хүсэлтийг Эрүүл Мэндийн Яамнаас БСШУСЯ–нд гаргаад байсан. Тэгвэл БСШУС-ын сайд Ц.Цогзолмаагийн хэлснээр сурагчдын хоёр бус нэг сар амраахаар төлөвлөжээ. Тэрээр “Хүүхдүүдийн II улирлын амралтыг 2 сар биш 1 сар илүүтэй хоног амраахаар шийдэж байгаа. Амьтны гаралтай ч юм уу вирусийн нөхцөл хүндрэлтэй байгаад хүүхдүүдийн эрүүл мэндэд хохиролтой байх шалтгаан үүсвэл хууль эрхзүйн хувьд карантин тогтоох зохицуулалт нээлттэй үлдэнэ. Иймээс хоёр яам хүүхдийнхээ эрүүл мэндийг хохироохгүй, хичээл сургуулийг завсардуулахгүй байх ямар бололцоо байна вэ гэдэг дээр ойлголцоод явах боломжтой гэв. Тэгэхээр сурагчдын II улирлын амралт 12 дугаар сарын 25-наас 2019 оны хоёрдугаар сарын 1-ний өдөр хүртэл үргэлжлэх юм байна.
