Ижил хүйстнээ сонирхох явдал гениэс үүдэлтэйг эрдэмтэд анх 1993 онд илрүүлсэн байдаг. Үүний дараа 2014 онд Чикажээагогийн их сургуулийн эрдэмтэд 400 хос гэй эрэгтэйд хийсэн ДНХ-ийн шинжилгээгээр тэдний бэлгийн чиг хандлагад 2 төрлийн гени нөлөөлж байгааг илрүүлсэн. Мөн North Shore их сургуулийн эрдэмтэд 1077 гэй эрэгтэй болон 1231 бэлгийн хэвийн чиг хандлагатай эрчүүдийн геномыг харьцуулан судлаад тэдний бэлгийн чиг хандлагад 2 төрлийн гени нөлөөлж буйг баталсан юм. Тодруулбал, хүний 13 дахь хромсом дахь SLITRK6, 14 дэхь хромсомд байрлах TSHR нэртэй гени нь тухайн хүний бэлгийн чиг хандлагад нөлөөлдөг гэж эрдэмтэд дүгнэсэн байна. Ерөнхийдөө хүний бэлгийн чиг хандлагад нөлөөлөл үзүүлдэг генийг “гэй гени” гэж эрдэмтэд нэрийдээд буй.
Энэ нь ижил хүйстнээ сонирхогч болох эсэх нь сонголт бус байгалиас заяасан болохыг нотолсон юм. Эрдэмтдийн энэ судалгаа хүүхдийнхээ бэлгийн чиг хандлагыг төрөхөөс нь өмнө мэдэх боломжийг эцэг эхчүүдэд олгоно. Гэхдээ үүнээс шалтгаалан хорвоод мэндэлж, хүн болох эрхээ хасуулах эрсдэл гарч болхыг судалгаа хийсэн эрдэмтэд анхааруулж байлаа.
