Нас бол тоо гэдэг үгийг өөрийн биеэрээ баталсан нэгэн бол Сингапурын фото зурагчин Chuando Tan. 1967 онд төрсөн 51 настай түүнийг хэн ч харсан 25-тай гэж бодно. Булчинлаг бие, өтгөн хар үс, үрчлээгүй өөгүй арьстай түүнийг зуугийн талыг насласан гэхэд үнэхээр итгэмгүй аж. Тэрээр 1980-1990ээд онд Сингапурын алдартай загвар өмсөгч байжээ. Загварын тайзаа орхисноос хойш тэрээр фото зураг сонирхох болсон байна. Одоо тэрээр ChuanDo & Frey гэх цото зургийн фирмтэй бас Сингапурын Ave загварын агентлагийг эзэмшдэг ажээ.
Түүний тухай мэдээлэл анх Хятадын нэгэн сонинд гарснаас хойш түүний талаар интэрнэтээр шуугьж эхэлсэн бөгөөд хүн бүр л түүний залуу төрхийн нууцыг мэдэх гэж сонирхсон нь лавтай. Харамсалтай тэрээр нууц гэхээр жор дэлгэсэнгүй. Долоо хоногийн 4 өдөрт нь дасгал хөдөлгөөн хийдэг, усанд тогтмол сэлдэг, хэт орой эсвэл өглөө эрт усанд ордоггүй, халуун ногоо ихтэй тахианы цээж мах байнга иддэг гэсэн мэдээллийг л тэрээр сониуч хүмүүст өгсөн юм. Хэт орой эсвэл өглөө эрт усанд ордоггүй гэдгийг тэрээр оройтож ажилладаггүй хангалттай нойр авдаг гэсэн утгаар хэлсэн бололтой.
Түүний 1993, 2001, 2017 онд авахуулсан доорх зурагнаас та 20 гаруй жилийн хугацаанд бараг хөгшрөөгүйг харах бизээ. Түүнд ийм гайхалтай бэлгийг бурхан эсвэл чөтгөрийн аль нь өгснийг таашгүй нь.
