УИХ-ын чуулганаар Боловсрол, соёл, шинжлэх ухаан, спортын сайд Ж.Батсуурийг огцрууллаа. Түүнийг элсэлтийн ерөнхий шалгалтын материал задарсанд буруутгасан бөгөөд УИХ огцруулах саналыг ийнхүү дэмжлээ.
Сайдын түр орлон гүйцэтгэгчээр Засгийн газрын хэрэг эрхлэх газрын дарга Ж.Мөнхбат ажиллах бөгөөд тэрээр дараагийн сайд томилогдох хүртэл ажиллана гэдгээ илэрхийллээ. Дараагийн сайдаар хэнийг томилох вэ гэдэг асуудал одоогоор тодорхойгүй байна. Боловсрол, соёл, шинжлэх ухаан, спортын сайд өнөөдөр огцорч, дэд сайд нь АНУ-ын элчин сайд болсон тул энэ салбарт яаралтай томилгоо шаардлагатай болж байна. Гэхдээ өнөөдөр /2017.05.31/ Ерөнхий сайд Ж.Эрдэнэбат ОХУ-д айлчлал хийхээр явсан тул шийдэх боломжгүй. Ерөнхий сайд Монгол Улсад ирсний дараа дэвшүүлэх нэрийг өргөн барих аж.
