Ирэх хоёрдугаар сард хилийн боомтууд дараах хуваарийн дагуу ажиллана. Тодруулбал, БНХАУ-тай хиллэдэг Булган, Баянхошуу, Шивээхүрэн боомтууд хоёрдугаар сарын 17, 18, 19, 20-ны өдрүүдэд түр хаана. Харин Гашуунсухайт, Бичигт, Ханги, Хавирга, Бургастай, Сүмбэр боомтууд хоёрдугаар сарын 18,19,20-нд түр хаана. ОХУ-тай хиллэдэг Цагааннуур, Тэс, Боршоо, Арцсуурь, Ханх боомтууд мөн хоёрдугаар сарын 18, 19, 20 буюу цагаан сарын шинийн 1,2,3-нд түр хаана. Чингис хаан олон улсын нисэх буудал олон улсын нислэгийн цагийн хуваарийн дагуу ажиллана. Мөн Сүхбаатар, Эрээнцав төмөр замын боомтууд олон улсын галт тэрэгний цагийн хуваарийн дагуу ажиллана.
