Парисын шүүх өчигдөр Францын тэргүүн хатагтай Брижит Макроныг эрэгтэй төрсөн, трансжендер эмэгтэй гэх мэдээлэл тараасан 10 хүнийг кибер гэмт хэрэгт буруутгаж ял оноожээ
Брижитийн тухай ийм мэдээлэл удаан хугацааны турш гарч буй юм. Брижит нь Жан-Мишель Трогнейс гэх нэртэй төрсөн ахтай бөгөөд гүтгэлэг тараагчид Брижитийг Трогнейс эмэгтэй болон зүс хувирсан гэж үздэг.
Шүүхийн шийдвэрээр Брижит Макроны хүйс, бэлгийн харьцааны талаар худал тайлбар хийсэн, тэр ч байтугай хосуудын насны зөрүүнээс шалтгаалж Брижитийг “педофили” гэж адилтгасан найман эрэгтэй, хоёр эмэгтэйг гэм буруутай гэж үзжээ.
Тэд янз бүрийн ялгаатай ял оноосон ба нэг нь тэнсэн харгалзахгүйгээр зургаан сарын хорих ял авав. Бусад нь найман сар хүртэл хугацаагаар хорих ял авсан байна. Мөн торгууль ногдуулах, кибер дарамтын эсрэг сургалтуудад хамруулах, өөрсдийн сошл сүлжээг ашиглахыг хориглох зэрэг ял оноосон байна.
Брижитийг эрэгтэй төрсөн гэж мэдэгдсэн подкаст хийдэг Кэндис Оуэнсийн нэр хүндийг гүтгэсэн хэргээр тусад нь АНУ-ын шүүхэд зарга мэдүүлжээ.
