БНСУ-д суугаа Монгол Улсын Элчин сайдын яамны удирдах албан тушаалтан Сөүл хотын Ганнам дүүрэгт согтууруулах ундааны зүйл хэрэглэсэн үедээ автомашин жолоодож, гурван автомашин мөргөлдсөн осол гаргасны улмаас цагдаагийн байгууллагад шалгагдаж байна. Монголын Элчин сайдын яамны ажилтан А нь энэ сарын 12-ны өглөөний 6 цагийн орчимд Ганнам дүүргийн Шинса хавьцаа энэхүү ослыг гаргажээ. Хэрэг гарах үед түүний цусан дахь согтууруулах ундааны хэмжээ жолооны эрх хасах түвшинд байсан байна.
Хэрэг гарсанаас хойш 12 хонгийн дараа буюу өчигдөр Сөүл хотын Ганнамын цагдаагийн газраас БНСУ-д суугаа Монгол Улсын Элчин сайдын яамны захиргааны ажилтан А-г согтуугаар жолоо барьсан зэрэг хэрэгт холбогдуулан эрүүгийн хэрэгт бүртгэн шалгаж эхэлснээ мэдэгдлээ. Цагдаагийн байгууллагын зүгээс Монгол Улсын Элчин сайдын яамнаас тухайн ажилтанд дипломат халдашгүй эрх эдлүүлэх эсэхийг тодруулсны дараа хэргийг прокурорт шилжүүлэх эсэхийг шийдэхээр төлөвлөж байгаа гэжээ.
