Санта нар Монреалын супермаркет руу орж, цүнхэндээ олон мянган долларын хүнсний бараа чихэж зугатсан хэрэг Канадад гарчээ. Тодруулбал, Санта Клаус болон анаахайн хувцастай хэсэг хүмүүс Монреалын нэгэн супермаркетаас тэрэг дүүрэн хүнс хулгайлсан байна. Тэд хоол хүнсийг хэрэгцээтэй хүмүүст өгөхөөр Робин Гудыг дуурайж ийм үйлдэл хийсэн гэж өөрсдийгө өмөөрчээ. Мөн канадуудын өдөр тутмын хэрэгцээний хэрэгцээт зүйлс, амьдралын өртөг эрс нэмэгдэж байгааг эрх баригчдад мэдрүүлэх зорилготой байсан хэмээжээ.
Уг дээрэмд Робин дес Руэлс буюу Гудамжны Робинс нэртэй бүлгийн 40 орчим гишүүн оролцсон байна.
Уг бүлгийнхэн “Өлсгөлөн өөрийгөө зөвтгөдөг бол” гэсэн гарчигтай мэдэгдэлдээ “Бид инфляцийг далимдуулан их хэмжээний ашиг олох зорилготой супермаркетуудаас хүнс худалдаж авахын тулд улам бүр их ажиллаж байна. Цөөн хэдэн компани бидний үндсэн хэрэгцээг барьцаалж аль болох их мөнгө үрүүлэхийн тулд хүн амыг боомилж байна” гэжээ
Харин хулгайд өртсөн дэлгүрийн эзэн, Онтарио, Квебек мужид найман томоохон хүнсний брэндийг эзэмшдэг Метро компани мэдэгдэлдээ дэлгүүрээс хулгай хийх нь гэмт хэрэг бөгөөд үнийн өсөлтөд дэлхий даяарх нийлүүлэлтийн сүлжээ тасалдсан, түүхий эдийн үнийн хэлбэлзэл, олон улсын худалдааны нөхцөл байдлын өөрчлөлт нөлөөлсөн гэв.
Канадын Жижиглэнгийн худалдааны зөвлөлийн мэдээлснээр жижиглэнгийн худалдааны гэмт хэрэг өсөх хандлагатай байгаа бөгөөд 2024 онд 9 тэрбум гаруй долларын борлуулалт алдсан байна.
