Хөвсгөл аймгийн Тариалан сумын нутагт өнгөрсөн сарын 17-ны өдөр 2 настай хүү сураггүй алга болж, маш өргөн хүний бүрэлдэхүүнтэй эрлийн баг ажилласан. Гэвч хүүгийн цогцсыг найм хоногийн дараа буюу 9-р сарын 25-ны өдөр ойгоос олсон юм. Хүүгийн үхлийн шалтгааныг олохоор задлан шинжилгээнд оруулсан бөгөөд шүүх эмнэлгийн дүгнэлт маргааш буюу 10 дугаар сарын 16-нд гарна гэж албаны хүн мэдээллээ.
Уг хэргийг Хөвсгөл аймгийн цагдаагийн газарт шалгаж байна. Хүүгийн үхэлд бусдын нөлөө байгаа эсэх, олон хоногийн эрлийн баг, үнэрч нохой ажиллаж байхад яагаад эрлийг зогсоосны дараа холгүй газраас цогцос гэнэт олдов зэрэг олон эргэлзээ байгаа юм.
