Португали улсын Лиссабон хотын аялал жуулчлалын томоохон төв болох 140 жилийн түүхтэй Глория фуникулер нэртэй төмөр замын вагон замаасаа гарч осолдож, 15 хүн амиа алдсан харамсалтай хэрэг лхагва гарагийн орой болжээ. Ослын улмаас 18 хүн эмнэлэгт хүргэгдсэний тавынх нь биеийн байдал хүнд байгаа ажээ. 18:05 цагийн орчимд болсон ослоор амиа алдсан хүмүүсийн дунд гадаадын иргэд байсан ч ямар улсын иргэн болохыг одоогоор тогтоох боломжгүй гэж албаныхан мэдэгдэв.
Өнөөдөр тус улсын засгийн газрын хуралдаан болж үндэсний гашуудлын өдрийг зарласан байна. Ослыг нүдээр харсан гэрч “Вагон хар хурдаараа” давхиж байшинг мөргөж, цаасан хайрцаг шиг нурсан. Ямар ч тормозгүй байсан” гэж ярьжээ.
Ослын шалтгааныг тогтоохоор ажиллаж байна
Глория фуникуляр бол Лиссабоны хамгийн алдартай, жуулчдын сонирхлыг татдаг газруудын нэг юм. 1885 онд нээгдэж, гучин жилийн дараа цахилгаан болгосон уг галт тэрэг нь Лиссабоны гол гудамжаар дамжин хотын өнгө үзэмжийг жуулчдад үзүүлдэг юм.
