Өчигдөр буюу энэ оны 04 дүгээр сарын 21-ний өдрийн 16 цагийн орчимд “Байшин шатаж байна, дотор нь байгаа хүүхдүүд гарч чадаагүй” гэх дуудлага, мэдээлэл цагдаагийн байгууллагад иржээ.
Дуудлага, мэдээллийн дагуу шалгалтын ажиллагаа явуулахад иргэн “Б”-ын эзэмшлийн модон байшин шатаж, дотор нь байсан 3-5 насны 3 хүүхэд нас барсан харамсалтай хэрэг бүртгэгдлээ.
Уг хэргийг Төв аймгийн цагдаагийн газар үргэлжлүүлэн шалгаж байна.
Хэргийг тодруулбал, тус сумын Засаг даргын шийдвэрээр бүх нийтийн цэвэрлэгээ зарласан бөгөөд нийтийн цэвэрлэгээнд 4 хүүхэдтэй цэцэрлэгийн багш татагдсан байна. Бага насны дүү нараа харж байсан зургадугаар ангийн охиныг ч мөн сургуулиас нь цэвэрлэгээнд дуудсан учир охин гэртээ дүү нараа цоожлоод үлдээх үеэр гал гарсан бөгөөд сумын Онцгой байдлын хэлтсээс галын аюулыг зогсоох машин техник илгээгээгүй байна.
Эцэг эх асран амгаалагч та бүхэн хүүхдэдээ тавих хараа хяналтаа сайжруулах, бага насны хүүхдийг заавал харгалзах хүнтэй үлдээх, ахуйн хүрээнд учирч болохыг эрсдэлийг тооцоолж аюулгүй болгох, хаврын хуурайшилтын энэ үед галын аюулаас болгоомжлох зэргээр болзошгүй эрсдэлээс урьдчилан сэргийлэхийг цагдаагийн байгууллагаас анхаарууллаа.
