Самсунг корпораци Galaxy S25 ухаалаг гар утасны шинэ загвараа өчигдөр Сөүлд болсон нэгэн арга хэмжээний үеэр танилцууллаа. Самсунг Электроникс компанийн гар утасны туршилтын хэлтсийн тэргүүн Ро Тэ Мун, “Өнгөрсөн жил дэлхийн анхны хиймэл оюун ухаант ухаалаг гар утсаа худалдаанд гаргасны дараа “Samsung Electronics” компани гар утасны хиймэл оюун ухааны зах зээлийг шинэчлэхийн тулд цуцашгүй хүчин чармайлт гаргаж ирсэн. “Galaxy S25 загвар нь хиймэл оюун ухааны хамгийн дэвшилтэт туршлагыг хэрэглэгчдэд мэдрүүлж, хиймэл оюун ухаанаар тоноглогдсон “One UI 7″ платформоор дамжуулан хэрэглэгчдийн өдөр тутмын амьдралыг шинэчилнэ гэж амлаж байна” гэв.
S25 загварын гол сайжруулалтын нэг нь утас нь олон программ шаардсан нарийн төвөгтэй үйлдлийг нэг дуут тушаалаар гүйцэтгэх боломжтой болжээ. Жишээлбэл, хэрэв хэрэглэгч дуртай спортын багийнхаа хуваарийг шалгаж, календарьт хадгалахыг хүсвэл өмнө нь хайлт, календарь зэрэг олон програмыг ашиглах шаардлагатай болдог байв. Одоо бол ирэх долоо хоногийн багийн тоглолтын хуваарийг олж, миний календарьт нэмнэ үү” гэсэн ганц дуут тушаалаар гүйцэтгэх боломжтой болжээ.
Galaxy S24загварт Google-тэй хамтран Circle to Search функцийг өмнөх анх нэвтрүүлж байсан. Тэгвэл уг функцээ мөн шинэ загвар дээрээ сайжруулжээ. Өөрөөр хэлбэл өмнөх загвар нь Circle to Search буюу хэрэглэгчид зураг эсвэл текст дээр тойрог зурах замаар хайлт хийх боломжийг олгодог байсан бол одоо S 25 хэрэглэгчид утсан дээрх тоглож буй дууг хайх боломжтой болэнн. Мөн S24 загварт анх гарч байсан Live Translate функц нь одоо 20 хэлийг дэмжиж, хэлний бэрхшээлгүйгээр бусадтай харилцах боломжтой болсон байна.
Дуудлагыг текст болгон хөрвүүлдэг Call Transcript, мөн ярианы гол санааг хялбарчилж, нэгтгэн дүгнэсэн дуудлагын хураангуй хийх зэрэг олон шинэ функц нэмэгджээ.
“Samsung Electronics” нь ирэх 2-р сарын 7-нд Galaxy S25 цувралаа дэлхий даяар худалдаанд гаргана. Солонгост 1-р сарын 24-өөс 2-р сарын 3 хүртэл урьдчилсан захиалга авах аж.
Samsung Galaxy S25 цувралын хувьд Солонгосын өмнөх Galaxy S24-тэй ижил үнэтэй байх бодлого ббарьжээ. Хамгийн том загвар болох S25 Ultra нь санах ой, хадгалалтаас хамааран 1,7 сая вон (1,184 ам. доллар)-аас 2,25 сая воны хооронд хэлбэлзэх бол S25 Plus нь 1,35 сая воноос 1,5 сая вон хүртэлх үнэтэй. Хамгийн хямд загвар нь 12 гигабайт санах ой, 256 гигабайт санах ойтой байх ба 1.16 сая воноор зарагдах юм байна.
