2024 оны Элсэлтийн ерөнхий шалгалт долдугаар сарын 4-ний пүрэв гарагт улс даяар эхэлнэ.
Энэ жил ЭЕШ өгөхөөр нийт 35,939 шалгуулагч бүртгүүлсэн байна. Тэдний,
- 14,812 нь Улаанбаатар хотынх,
- 17,541 нь орон нутгийн бол
- Өмнөх оны 3,586 шалгуулагч байна.
Мөн БҮТ шалгалт өгөх шалгуулагчдадаа зориулан 2024 оны гуравдугаар сарын 1-ний өдрөөс мэргэжлийн сэтгэл зүйн зөвлөгөө өгч эхэлсэн. Зургаадугаар сарын 10-ны байдлаар 550 гаруй шалгуулагч чатбокс, гар утас, бүлгийн болон ганцаарчилсан байдлаар зөвлөгөө авчээ.
