Улаанбаатар хотын нийтийн тээврийн автобус нийлүүлэх тендерт Хятадын хөрөнгө оруулалттай нэр бүхий таван компани саналаа ирүүлснийг үнэлгээний хороо судлаад “Yutong Bus Co.,Ltd” компанийг шалгаруулсан. Заавал яагаад БНХАУ-аас автобусаа авах болсон талаар зарим иргэд шүүмжлэлтэй хандаж байгаа. Тэгвэл тус компани нь автобус борлуулалтаараа дэлхийд тэргүүлдэг компани ажээ. Евро стандартын автобусны нэг бүрийн үнэ 300-350 мянган евро буюу нэг тэрбумаас дээш үнэтэй бол “Yutong Bus Co.,Ltd” компанийн автобус нь 60 мянга гаруй ам.долларын үнэтэй. Үнийн хувьд боломжийн мөн цаг хугацаа давчуу байсан зэрэг нь хөрш орны үйлдвэрлэгчийг сонгоход нөлөөлсөн ажээ.
Дашрамд сонирхуулахад “Yutong” компанийн автобусыг Дубайд болсон Дэлхийн хөлбөмбөгийн аварга шалгаруулах тэмцээнтэй холбогдуулж Арабын нэгдсэн Эмират улс худалдаж авсан байдаг юм байна.
