ХБНГУ-ын Цахим хөгжил, зам тээврийн яамны сайд Др. Фолькер Виссинг энэ өдрүүдэд манай улсад айлчилж байна. Улаанбаатар хотын авто замын түгжрэлийг бууруулах үндэсний хорооны дарга Б. Дэлгэрсайхан өнөөдөр ХБНГУ-ын Цахим хөгжил, зам тээврийн яамны сайд Др. Фолькер Виссинг тэргүүтэй төлөөлөгчдийг хүлээн авч уулзлаа.
Уулзалтаар тус улстай зам тээврийн бодлого, төлөвлөлт, зохион байгуулалт, удирдлагын тогтолцооны сайн туршлага судалж хамтран ажиллах талаар ярилцжээ.
Тухайлбал, нийслэл Улаанбаатарт метро барих талаар ХБНГУ-ын талд санал тавьж, зөвлөх инжеэерийн хяналт тавих тендерт оролцохыг урьж, манай замын хөдөлгөөний программыг шинэчлэхэд туслахыг хүссэн гэж Улаанбаатар хотын авто замын түгжрэлийг бууруулах үндэсний хорооны дарга Б. Дэлгэрсайхан хэллээ.
