Баянзүрх дүүргийн 26 дугаар хороонд гарсан зам тээврийн осол, үүнээс үүдсэн галын Олон нийтийн сүлжээнд уг аймшигт явдлын улмаас нас барсан хүмүүсийн тоог дараад баайна гэх хардлага гараад байгаа. Тэгвэл энэ талаар ЦЕГ-аас тайлбар өглөө. ЦЕГ-ын Мөрдөн байцаах албаны дарга, цагдаагийн хурандаа Н.Мишигдорж, “Нас барсан хүний тоог нуух, дарах боломж, ёс зүй, хууль дүрэм байхгүй. Иймд ташаа мэдээлэл тараахгүй байхыг хариуцлагатайгаар мэдэгдье” гэлээ. Түүний хэлснээр хэргийн газрын үзлэгийг хуульд заасан үндэслэл журмын дагуу явуулж, прокурор бүрэн хяналт тавьсан. Үзлэгийн дунд онцгой байдлын гурван алба хаагч амиа алдсан нь тогтоогдсон. Цахим орчинд 5, 21, 31 хүн нас барсан, тоог нуун дарагдуулж байна гэх мэдээлэл гараад байгаа нь ташаа мэдээлэл гэв.
Мөн УОК-ын Нарийн бичгийн дарга, хурандаа Т.Баярхүү, “Нас барсан болон бэртэж гэмтсэн хүний тоог нуун дарагдуулах ямар ч боломжгүй. Иймд иргэд, олон нийтийг албаны эх сурвалжийн мэдээ мэдээллийг хүлээн авч, үндэслэлгүй мэдээлэл түгээхгүй байхыг хүсэж байна” гэлээ.
Мөрдөн шалгах ажиллагаанд 12 төрлийн шинжээч томилсон ба үзлэг шинжилгээ хийж дуусах хугацааг нарийн хэлэх боломжгүй ажээ.
