Хар нүхний гэрэл зургийг анх удаа олон нийтэд үзүүлнэ

0
71

“Event Horizon Telescope” төслийнхөн сансрын уудамд орших хар нүхний гэрэл зургийг олон нийтэд дэлгэхэд бэлэн болоод буйгаа өмнө нь мэдээлж байсан. Тэгвэл 2006 оноос хойш энэ чиглэлээр ажилласан тус төслийнхэн энэ лхагва гаригт /2019.04.10/ буюу нөгөөдөр хар нүхний зургийг олон нийтэд цацах гэж буйгаа мэдэгдлээ.  Уг байгууллага дэлхий даяар телескоп дуран байрлуулж, томоохон шинжлэх ухааны байгууллагуудтай хамтран ажилласны үр дүнд уг гэрэл зургийг хэвлэлийн хурал хийж олонд дэлгэхээр болжээ. Хар нүхний зургийг танилцуулснаар өнөөг хүртэл дэвшүүлсэн эрдэмтэдийн тооцоо таамгийг үнэн худал эсэхийг батлах боломжтой болж буй юм.

Хар нүхний талаар Стефан Ховкинг, Альберт Эйнштэйн нар  онол, таамгууд гаргасан бөгөөд цаг хугацаа, орон зайг гажуудуулдаг сансрын уудамд орших оддын томоохон бөөгнөрөлийн голд үүсдэг супер масстай нүх юм гэж тодорхойлдог билээ.

АНУ, Франц, Недерландын эрдэмтэд Вашингтон дахь Үндэсний мэдээллийн төвд хуралдан зургийг дэлгэх үеэр Брюссель, Токио, Шанхай, Тайпей, Сантиого хотуудад ч мөн нэгэн зэрэг ийм хурал  болох юм байна.

LEAVE A REPLY

Please enter your comment!
Please enter your name here