Холимог тулааны од Конор Макгрегор дээрмийн хэргээр баривчлагджээ

3
179

Холимог тулааны спортын од, Ирландын тамирчин Конор Макгрегор АНУ-ын Майами хотод бусдыг дээрэмдсэн хэргээр баривчлагджээ.

Тодруулбал, тэрээр өчигдөр Fontainebleau Miami Beach зочид буудлаас гарч явахдаа өөрийнх нь зургийг авсан фэнийхээ гар утсыг булааж эвдэлсэн байна.

Макгрегор гар утсыг эзнийх нь гараас булаан авч, газар хаяад хэд хэд дэвсэлсний дараа буцааж өгөлгүй аваад явсан тухай Майамигийн цагдаа мэдээлжээ.

Хохирогч гар утсаа 1,000 долларын үнэтэй гэж мэдэгдсэн бөгөөд Макгрегорыг бусдын эд зүйлсийг дээрэмдсэн хэргээр баривчилсан байна.

Энэ нь түүний уур бухимдлаа барилгүй цагдаагийн байгууллагатай холбогдсон анхны тохиолдол биш. Тэрээр өнгөрсөн онд өрсөлдөгч тамирчныхаа автобус руу довтолж цонхоор нь хүнд зүйл шидсэний улмаас хэд хэдэн хүнийг  бэртээж байсан юм. Тухайн үед  шүүхээс Макгрегорт уур бухимдлаа барьж сурах сургалтад суух, таван өдөр нийгмийн тустай хөдөлмөр гүйцэтгэх шийтгэл оноож байлаа.

3 Сэтгэгдэлүүд

LEAVE A REPLY

Please enter your comment!
Please enter your name here