“Тамифлю"-г зөвхөн эмчийн жороор хэрэглэхийг анхаарууллаа

3
51

Ханиад  томуу өндөр дэгдэлттэй байгаа энэ үеийг далимдуулж “Тамифлю” гэх эмийг өндөр үнээр шахлаа, энэ эм хэний бизнес вэ гэх зэрэг бухимдал  нийгмийн  сүлжээнд нэлээд өрнөсөн.  Тэгвэл ЭМЯ-ны мэргэжилтний хэлснээр уг эмийг манай улс 2009 оноос хойш Дэлхийн эрүүл мэндийн байгууллагад хүсэлт тавьж, тодорхой хэмжээг оруулж ирж, эмнэлгүүдэд үнэ төлбөргүй өгсөн байна.  Тодруулбал, салбар яамнаас томуу, томуу төст өвчлөл өндөр байгаа дүүргийн эмнэлгүүд болон Эх хүүхдийн эрүүл мэндийн үндэсний төв, Халдварт өвчин судлалын төв гэсэн эмнэлгүүдэд зөвхөн эмнэлгийн тусламж үйлчилгээнд хэрэглэхээр үнэ төлбөргүй нийлүүлсэн ажээ.  “Тамифлю” нь вирусийн эсрэг үйлчилгээтэй эм учир тухайн вирусийнх нь онцлог, өвчтөний биеийн байдал, шинжилгээний дүгнэлт, насны онцлог зэргийг харгалзан үзэж, эмчийн жороор хэрэглэх ёстой. Тийм учраас хүмүүс дур мэдэн энэ эмийг худалдан авч, хэрэглэж болохгүй гэдгийг мэргэжилтнүүд анхаарууллаа. Мөн энэ эмийг хувийн эм сан, эмнэлгүүдэд өндөр үнэтэй худалдаалагдаж байвал иргэд ШӨХТГ-т гомдол гаргаж  шалгуулж болохыг салбар яамнаас сануулсан юм.

3 Сэтгэгдэлүүд

LEAVE A REPLY

Please enter your comment!
Please enter your name here