Украин дайны байдал тогтоолоо

3
29

Өнгөрсөн ням гаригт Украины гурван хөлөг онгоц улсын хил давж, ОХУ-ын нутаг дэвсгэрт нэвтэрсэн. ОХУ-ын талаас зогсохыг шаардсан шаардлагыг хөлөг онгоцныхон тоогоогүйгээс  зэвсэг хэрэглэн хөлөг онгоцуудыг саатуулсан бөгөөл эдүгээ онгоцууд Керчид байгаа юм. Энэ  талаар ОХУ-ын Гадаад хэргийн сайд Сергей Лавров "өдөөн хатгалга" хэмээн хэлсэн  байдаг. Тэгвэл  Крымын эргийн ойролцоо болсон асуудалтай холбоотойгоор Украины дээд рад өнөөдрөөс эхлэн нэг сарын хугацаагаар дайны байдал тогтоох шийдвэр баталжээ. Украины Ерөнхийлөгч Петр Порошенко энэ хуулийн төслийг оруулсан байна.  Энэ шийдвэрийг Дээд радын 298 депутат дэмжжээ. Тус тогтоол цохилт ирж болзошгүй хэмээн үзэж буй Орос, Молдавтай хиллэдэг нутаг, түүнчлэн Хар болон Азовын тэнгисийн эргийн дагуух  гурван бүс нутаг хамаарах ажээ.

"Керчийн хоолойд болсон энэ өдөөн хатгалгад Украины тусгай албадын ажилтнууд оролцсон. Усан цэргүүд болон хөлөг онгоцонд байсан Украины аюулаас хамгаалах албаны бүрэн эрхт төлөөлөгчийн өгсөн мэдүүлэг үүнийг харуулж буй. Тэд хил зөрчсөнөө мэдэж байсан, ингэх тушаал өгсөн гэдгийг нотолсон " гэж ОХУ-ын тал үзэж байна.

3 Сэтгэгдэлүүд

LEAVE A REPLY

Please enter your comment!
Please enter your name here