Эрдэнэсийн уурхайчид үүцээ задаллаа

Эрдэнэт үйлдвэрийн 40 жилийн ойд зориулсан хүндэтгэлийн арга хэмжээ, соёлын өдрүүд нийслэл Улаанбаатар хотноо болж өнгөрлөө. Энэ үеэр Эрдэнэт үйлдвэрийн түүхэн замналыг  харуулсан “Эрдэнэт үйлдвэр-40 жил” үзэсгэлэнг олон нийтэд дэлгэв. Уурхайчид энэхүү үзэсгэлэнгээрээ Эрдэнэт үйлдвэрийн хөгжлийг он цагийн дарааллаар 4 үе шаттай  харуулахаар зорьсон байна. Ингэхдээ архивын бичиг баримт, түүхэн гэрэл зураг, хөгжлийн үе шатыг харуулсан гэрэл зургийн үзэсгэлэн, засвар механикийн заводын инженерүүдийн уран гар, бурхан ухаанаар бүтсэн техник хэрэгслүүдийн жижиг загваруудыг авчирсан байв.

Эрдэнэтийн овооны орд газрыг нээсэн анхны геологчдын эдэлж хэрэглэж явсан луужин, хоолны тавагнаас эхлээд Монгол, Оросын засгийн газар хооронд байгуулсан хэлэлцээр, төр засгаас гаргаж байсан шийдвэр бүгдийг энэхүү үзэсгэлэнгээрээ дамжуулан нийслэлчүүддээ үзүүллээ. Тэртээ 1963 онд Чехийн геологчидтой Монголын геологичид мөр зэрэгцэн энэхүү ордыг нээсэн түүх, 1971, 1972 онд Оросын уурхайчид хэрхэн нөөцийг тодорхойлж өгсөн түүхэн баримт энд дэлгэгдсэн. Мөн Эрдэнэт үйлдвэрээс төрсөн Анхны хөдөлмөрийн баатар Д.Жаргалсайхан болон Ш.Отгонбилэг агсны Хөдөлмөрийн баатар цолны болзол хангасан ажил, амжилтууд зэрэг олон сонирхолтой баримтыг харууллаа.

Эрдэнэт үйлдвэрийн төсөл нь анх 4 сая тонн хүдэр боловсруулах хүчин чадалтай эхэлж, эхний үед 4 ээлжийг ашиглалтанд оруулж байжээ. Тэгвэл 40 жилийн дараа 32 сая тонн хүдэр боловсруулах хүчин чадал бүхий Зууны манлай үйлдвэр болоход хүрсэн бүхий л түүхийг энэхүү үзэсгэлэнгээрээ дамжуулан нийслэлчүүддээ үзүүлж, сонирхууллаа.

 

spot_img

Их уншсан

Холбоотой мэдээ
бусад мэдээ

“Шинэ Хархорум” хотын төлөвлөлтийг боловсруулах олон улсын нээлттэй тендер зарлалаа

Засгийн газраас “Шинэ Хархорум”хот байгуулах зориулалтаар Архангай аймгийн Өгийнуур, Хашаат,...

Монголын таван иргэн Тайландад хулгай хулгай хийж байгаад баригджээ

Тайландын Бангкок, Паттайя хотын хөлийн газруудад халаасны хулгай хийсэн...

Эрүүл мэндийн цахим шилжилтийг эрчимжүүлэхийг үүрэг болголоо

Ерөнхий сайдын захирамжаар байгуулагдсан Ажлын хэсэг Эрүүл мэндийн цахим...

АВЛИГА яагаад ийм амь бөхтэй байгаад байна?

УИХ-ын дэд дарга С.Одонтуяа улс орныхоо эдийн засгийн өнөөгийн...