Х.Тэмүүжин: Монголоо хэдээр худалдсанаа зарла

4
28045

Ойрын өдрүүдэд Монгол Улс Шанхайн хамтын ажиллагааны байгууллага (ШХАБ)-д жинхэнэ гишүүнээр элсэх эсэх асуудлаар олон нийтийн дунд хэлэлцүүлэг өрнөөд байна. Энэ сэдвээр УИХ-ын гишүүд, улс төрийн зүтгэлтнүүд өөрийн байр сууриа илэрхийлээд эхэлжээ. Гадаад хэргийн сайдаар ажиллаж байсан УИХ-ын гишүүн Ц.Мөнх-Оргил ШХАБ-д Монгол Улс элсэх нь буруу гэсэн байр суурьтай байгаагаа хэлсэн байна. Харин мөн л гадаад хэргийн сайдаар ажиллаж байсан УИХ-ын гишүүн Лу.Болд энэ асуудлыг нэг тийш нь шийдэх цаг болсон гэж ярьжээ.

Уул уурхай, хүнд үйлдвэрийн сайд Д.Сумяабазар ШХАБ-д жинхэнэ гишүүнээр элсэхийг дэмжиж байгаа бөгөөд Засгийн газар ч ийм байр суурьтай гэх тайлбар өгсөн байна. Ерөнхийлөгч Х.Баттулга саяхан болсон хоёр ч томоохон арга хэмжээнд оролцохдоо Монгол Улс ШХАБ-д элсэхэд буруудахгүй гэсэн утгатай үг хэлсэн юм. Төрийн тэргүүний энэ байр суурийг дэмжих хэсэг байхад маш хүчтэй шүүмжилж, эсэргүүцэх хүмүүс цөөнгүй байгаа юм. УИХ-ын гишүүн, Хууль зүй, дотоод хэргийн сайдаар ажиллаж байсан Х.Тэмүүжингийн өөрийн твиттер хуудсанд бичсэн зүйл шуугиан тариад байна.

Х.Тэмүүжин “Энэ хоёр хүний өнгөн дээр Монгол зарагдах учиртай байж дээ. Таарсан таар шуудай нар. Юугаар улсаа сольж байгаагаа ил тод зарлах хэрэгтэй. Бид энэ наймаачдын наймаанд ямар үнэтэй байгаагаа мэдчих юмсан” хэмээн ШХАБ-ын талаарх үзэл бодлоо бухимдангуй илэрхийлжээ. Түүний энэ үг Ерөнхийлөгч Х.Баттулга, Ерөнхий сайд У.Хүрэлсүх нарт хандсан болох нь тодорхой байна. ШХАБ-д жинхэнэ гишүүнээр элсэх эсэх асуудлаар эцсийн шийдвэрийг УИХ-аас гаргана. Тэрнээс наана энэ мэт эсэргүүцэлтэй олон нүүр тулах нь гарцаагүй.

ШХАБ-ын гишүүнээр элсвэл хоёр хөршөөсөө эдийн засаг болоод бусад зүйлээр хараат байдал руугаа аажмаар гулсана гэж эсэргүүцэгчид хэлдэг. Гуравдагч хөршүүд рүү чиглэсэн гадаад бодлого бүдгэрэн замхарч, дэлхийн улс гүрнүүдээс тусгаарлагдах эрсдэлтэй гэж ажиглагчид дүгнэдэг. Харин ШХАБ-ын гишүүнээр элсэх цаг болсон гэж үзэж байгаа хүмүүс Монгол Улс бүс нутгийнхаа хөгжлөөс тасрах учиргүй гэх тайлбарыг өгч байгаа юм.

4 Сэтгэгдэлүүд

  1. Elseed yag yu hojih yum nuguu tank chini jinhene utgaaraa orj ireh yum bishuu
    Manaih Bus nutgaasaa tasraad hotsorchihson yum bhgui ee chinagaas busad ni hugjil oiroltsoo l yavtsgaaj baigaa neg hesegtee harznaj bsn deer bh l gj bodoj bn

  2. uursdiiguu songoh hugazaagaa uursduu huulia durtai uyedee duryn hugazaagaar uurchlun haan bolson humuustei negdeed bid yu hojikh vedee?bid zugeer suuj baigaad huneer hiilgechikh gesen tulga toirson bodol bidniig bolon ur hoichiig alnadaa

LEAVE A REPLY

Please enter your comment!
Please enter your name here